Turnering

Kvinnherad

First Lego League har som mål å inspirere born og unge i alderen 10-16 år til å bli morgondagens ingeniørar, forskarar og problemløysarar. Frist Lego League har ein arbeidsperiode på åtta veker. I løpet av arbeidsperioden vil deltakarane oppleva utforskertrong og skaparglede, sette eigne idear ut i livet, og lære seg å programmera. Etter dei åtta vekene møtes laga til ein konkurranse om ulike prisar. Det viktigaste er ikkje å vinna, men å læra og ha da kjekt. Finalen i First Lego League Kvinnherad blir avholdt den 11. november 2023 i Kvinnherad Arena.

First Lego League er i Kvinnherad eit realfagsprosjekt for skulane i kommunen og blir arrangert av Newton-rommet. Det er gratis for alle skulane å delta. Skulane vil få dekka utstyr og påmeldingsavgift til den lokale turneringa. Laga som kjem vidare til skandinavisk finale vil få dekka utgiftene til reise og opphald.

Før og undervegs i arbeidsperioden vil alle rettleiarane få kurs om First Lego League.

30. august er det kurs på Newton-rommet.

13. september er det kurs med First Scandinavia i kulturhuset

14. og 15. september er det kurs med Runar Eikhaug frå NLA høgskulen (datoar er tildelt)

Kvinnherad Arena er den største aktivitetshallen i kommunen. Kapasiteten for sittande publikum er over 1200. Totalkapasitet er 3000. Kvinnherad Arena ligg ved Husnes idrettspark, omgitt av fotballbanar, turområde og Opsangervatnet/Onarheimsvatnet.